龍門冰室 (已結業)

今日收咗工同幾個朋友一齊去北角搵嘢食，見到呢間龍門冰室大排長龍先知原來成日都好多人幫襯。仲要對學生好好，有優惠， 凡出示學生證就可以雞翼麵、餐蛋麵或者豬扒麵，真係點都要支持下👍🏼雖然嘢食需時，但都好值得食！最鍾意食係黑椒牛仔骨煲，配有白飯，雖然好大煲，但係四個人分每人都可以食到好多唔同種類嘅嘢食，正！叫咗個傳統英式早餐，$70，有好多料，炒滑蛋、煙三文魚、大蘑菇、薯餅、焗豆仲有奶油多士，勁豐富好抵食！而且配有粟米薯仔沙律！添， 啱晒健康一族啦。之後又叫咗黑松露薯條🤭薯條嘅份量好多，四個人都差啲食唔晒呀！不過個醬汁都幾好食！可以一試！瑞士雞翼撈丁啲瑞士雞翼好原汁原味，夠晒味！而且大食嘅人都唔使怕，啲出前一丁份量好似落咗兩包咁多！食撈丁梗係要配啲菜啦！我地叫咗西蘭花帶子，啲帶子好新鮮又大大粒！之後又食咗鹹牛肉芝士玉子燒好特別，出邊嘅冰室都好少有！仲食咗好多隻瑞士雞翼，簡直係我嘅最愛啊🤤 啲套餐都有啲都配有嘢飲叫咗一杯熱杏霜熱西洋菜蜜同埋熱北海道牛奶，全部都好好飲份量OK！