影片
更多
2019-04-11
63 浏览
今晚同男朋友去咗九龍城嘅小曼谷食晚餐，相信好多人都唔陌生，但係今次去嘅系小曼谷海鮮燒烤店。入面同一般之前去過嘅小曼谷好唔同，佢嘅感覺會再年輕少少，因為佢入面有一個位係可以比一啲樂隊去表演。入正題講嘢食啦，叫咗個豬手，其實係純粹因為佢都講到話好脆，咁就即管試吓，估唔到真係非常香脆，就算擺咗好耐，食咗其他嘢先，再食佢，都仲係好脆， 好似食緊厚切嘅薯片咁，不過我哋兩個人食真係太大份啦，結果都唔係好食得晒。我哋仲叫咗一個青檸蒸桂花魚， 因為平時成日食烏頭，今次想試吓呢個桂花魚，個青檸汁真係非常開胃，條魚好嫩好滑，真係好值得試吓！最後我哋仲叫咗一個安格斯牛小排，但係估唔到一個咁西式嘅菜式，佢可以煮到咁有泰國風味，我覺得完全係因為個醬汁， 因為佢個醬汁係酸酸甜甜又有少少辣辣地，令到成個牛小排都好有泰國嘅感覺！非常值得推介！整體來講服務態度都好好，我哋買單嘅時候嗰個人仲問我地覺得啲嘢好唔好食，有冇咩要改善都可以講，其實我真係覺得好好食，同埋位置都坐得好舒服唔會逼，只要佢哋保持而家咁樣我覺得已經好美好啦！
入面同一般之前去過嘅小曼谷好唔同，佢嘅感覺會再年輕少少，因為佢入面有一個位係可以比一啲樂隊去表演。
入正題講嘢食啦，叫咗個豬手，
豬手
8 浏览
0 赞好
0 留言
我哋仲叫咗一個青檸蒸桂花魚，
青檸蒸桂花魚
13 浏览
0 赞好
0 留言
最後我哋仲叫咗一個安格斯牛小排，
牛小排
6 浏览
0 赞好
0 留言
整體來講服務態度都好好，我哋買單嘅時候嗰個人仲問我地覺得啲嘢好唔好食，有冇咩要改善都可以講，其實我真係覺得好好食，同埋位置都坐得好舒服唔會逼，只要佢哋保持而家咁樣我覺得已經好美好啦！
张贴
