影片
更多
2021-02-09
86 浏览
傳說海南雞飯起源於「海南省文昌市」，後來其配方被新加坡及馬來西亞的飲食文化兼容並蓄，發展成今日的模樣。文華海南雞飯作為星加坡最享負盛名的海南雞飯始祖，原來其歷史已接近半個世紀了！又係因為近期仍未有得飛的關係，又好掛住星加坡的美食，近期再到這間香港版並為全球第一間海外店的Chatterbox Café ，位處尖沙咀的K11 Musea，港鐵到尖沙咀站一入到商場向橫走已直達超級方便。第一次試約莫一年前那時剛開業，老實講那次可能新開亦太爆場的關係，經驗極不愉快，覺得個雞飯不外如是，個叻沙亦係中規中矩，但上月有幸再光顧，今次幫襯係下午茶時段三四點的時間，都八九成滿座，但雞飯一到，今次轉咗脾，覺得雞夠肥美，食落嫩滑有雞味，啖啖肉，個油飯亦相當香，粒粒分明，有好香香料味，三個醬亦係同雞飯好配合，覺得整體進步太多，絕對係我香港所試咁多海南雞頭三甲位置。今次聽朋友介紹仲試咗佢哋個特色咸蛋雞翼，本身仲諗住有無搞錯呀！去星加坡餐廳食咸蛋雞翼不如去大排檔好過啦！邊夠鑊氣㗎！一上碟見到叠到靚靚咁都唔似好食，但一入到口就感受到佢嘅邪惡了，個咸蛋味出奇哋香濃，雞翼用上全翼的尖及中翼部份，個雞翼仲食到雞的鮮味及嫩滑
第一次試約莫一年前那時剛開業，老實講那次可能新開亦太爆場的關係，經驗極不愉快，覺得個雞飯不外如是，個叻沙亦係中規中矩，但上月有幸再光顧，今次幫襯係下午茶時段三四點的時間，都八九成滿座，但雞飯一到，今次轉咗脾，覺得雞夠肥美，食落嫩滑有雞味，啖啖肉，個油飯亦相當香，粒粒分明，有好香香料味，三個醬亦係同雞飯好配合，覺得整體進步太多，絕對係我香港所試咁多海南雞頭三甲位置。
今次聽朋友介紹仲試咗佢哋個特色咸蛋雞翼，本身仲諗住有無搞錯呀！去星加坡餐廳食咸蛋雞翼不如去大排檔好過啦！邊夠鑊氣㗎！一上碟見到叠到靚靚咁都唔似好食，但一入到口就感受到佢嘅邪惡了，個咸蛋味出奇哋香濃，雞翼用上全翼的尖及中翼部份，個雞翼仲食到雞的鮮味及嫩滑感，估計係用鮮雞整，可能係去骨海南雞的下欄嚟整，壞處係啲骨位比較碎有啲𠝹口，希望將來會改善令佢更完美就好了。一隻一隻咁追住食，好快就成碟食清光了，有啲想叫多碟。但朋友話不如試埋佢哋甜品啦！
本身想試埋佢哋個招牌椰子雪糕，壞消息係當日的原個椰子無貨，睇資料佢本身配埋椰子果肉雪糕及釀入鮮甜菠蘿的紅毛丹再加核桃及可可粉！令人期待，退而求其次，今次叫咗兩球椰子果肉雪糕，真心講係超級好食，之前食完個咸蛋雞翼，件事即刻Balance返！我發誓，下次無論如何都要食到呢！
去年第四季佢哋喺港島東的太古城都開咗間Chatterbox Express，會係更輕巧版嘅新店，港島區嘅朋友又可以去試下呢！相信可能都會有驚喜。
张贴