壹號手信 (已結業)

要响香港買手信，都會諗起曲奇，但選擇真的不多，真係有點悶。而 Top 1 Bakery 的曲奇，令人感覺耳目一新。包裝簡約唔花巧，而且款式多多，仲要係獨立包裝，幾時要食都唔會腍同埋碎哂。入面有兩塊蝴蝶酥、原味夏威夷豆塔、咖啡夏威夷豆塔、杏仁酥、曲奇… 等等。一打開包曲奇就聞到好香，食落好鬆軟，但又唔會覺得好油膩。而夏威夷豆塔真係好特別，以為會好硬，但原來都好易咬開的，最喜歡咖啡味呢一款，連我唔係成日飲咖啡的都覺得美味。好少見老公食餅，但轉頭佢已經清咗幾包，真係食到停唔到口。