影片
更多
2019-06-20
43 浏览
火水爐 - 一間裝修懷舊既雞煲火鍋裝修主題以六、七十年代大排檔為背景未入去企係門口前已經睇到店主別出心裁既構思樓下地下既裝修，店主用左六、七十年代電影院既售票窗口做裝飾門口同樓梯均掛起「即日 TO . DAY 上映」懷舊海報，而主演既通常都係火鍋料上到一樓，見到好有心思咁用火水爐砌出一道「矮牆」而且收銀位亦充滿住懷舊既感覺，前面裝有一盆舊包裝既香煙亦見到一盤汽水玻璃樽放係前面而且由木檯，吊燈，鐵皮水壺，到室內海報都非常有懷舊色彩可見店主一絲不苟咁將個懷舊感覺完美呈現出嚟上得嚟食既多數都會叫「套餐」而佢依家有2款任飲任食套餐比你揀一種258 一種298，兩者最大分別係298可以食埋「頂級牛小排」揀好「套餐」梗係揀食咩雞煲啦，是晩我決定一試佢個「麻辣花膠雞煲」配小辣而店員亦會問你想之後配咩湯底，佢都幾多款比你揀，有特濃花生沙嗲，麻辣，莞茜皮蛋或者清湯，甚至你可以加錢轉其他湯底添，之前好興既卜卜蜆鍋都可以比你揀！而我今次決定唔轉湯底，就咁係個鍋度加返雞湯落去試下。之後店員會推架裝滿調味料既車仔比你自由配搭有生蒜，炸蒜，辣椒等等。同時店員送上套餐之一「 餐前小食」－炸魚肉燒賣同魚蛋炸得啱啱好，
裝修主題以六、七十年代大排檔為背景
未入去企係門口前已經睇到店主別出心裁既構思
樓下地下既裝修，店主用左六、七十年代電影院既售票窗口做裝飾
門口同樓梯均掛起「即日 TO . DAY 上映」懷舊海報，而主演既通常都係火鍋料
上到一樓，見到好有心思咁用火水爐砌出一道「矮牆」
而且收銀位亦充滿住懷舊既感覺，前面裝有一盆舊包裝既香煙
亦見到一盤汽水玻璃樽放係前面
而且由木檯，吊燈，鐵皮水壺，到室內海報都非常有懷舊色彩
可見店主一絲不苟咁將個懷舊感覺完美呈現出嚟
上得嚟食既多數都會叫「套餐」而佢依家有2款任飲任食套餐比你揀
一種258 一種298，兩者最大分別係298可以食埋「頂級牛小排」
揀好「套餐」梗係揀食咩雞煲啦，是晩我決定一試佢個「麻辣花膠雞煲」配小辣
而店員亦會問你想之後配咩湯底，佢都幾多款比你揀，有特濃花生沙嗲，麻辣，莞茜皮蛋或者清湯，甚至你可以加錢轉其他湯底添，之前好興既卜卜蜆鍋都可以比你揀！
而我今次決定唔轉湯底，就咁係個鍋度加返雞湯落去試下。
之後店員會推架裝滿調味料既車仔比你自由配搭有生蒜，炸蒜，辣椒等等。
同時店員送上套餐之一「 餐前小食」－炸魚肉燒賣同魚蛋
炸得啱啱好，唔會好多油之餘仲好脆口，而且仲跟埋泰式辣醬比你，好開胃好惹味！
等雞鍋嚟之前，可以先畫紙仔自選定火鍋配料，種類唔算多但每樣我既精選
而任飲方面都係可樂，忌廉，七喜，其他特別飲品就需另外收費喇！
雞鍋好快上菜，店員亦會提供一個TIMER比你，煮5分鐘後就可以起筷喇！
等緊期間，店員同時送上飲品，而我相信店主為咗響應環保，亦不會提供飲管比你。
TIMER一響起，店員會過嚟細心幫你攪拌亦同時話你知夠鐘食得！一打開煲蓋，濃濃既雞味隨之飄來，我同友人亦同時大呼「好香啊！」
每件雞都好滑好香好入味，而煲底仲有除咗有花膠仲有豆卜。豆卜好入味，花膠亦好腍，令人食指大動。而小辣既辣度啱啱好，完全唔會過辣亦又有啲啲辣咁幾過癮
食雞食到七七八八，就麻煩店員為我地倒入雞湯，開始PART 2打邊爐喇～
而呢個套餐仲包咗海鮮拼盤入便有4隻海蝦，一支墨魚滑，冰鮮蠔，海蜆，鮮鯇魚片鮮鯇魚骨腩。
普通墨魚滑通常只有小顆墨魚粒，火水爐墨魚滑內有馬蹄，咬落比較有口感，抵讚！
海蝦亦好新鮮，拆殼時肉完全唔會痴住，肉質彈牙。
一向都好怕食冰鮮蠔，因為有時會有怪味，但呢今次都幾鮮味，熟咗都無縮水！
鯇魚類不過不失，而蜆都幾鮮甜！
皆因友人偏好丸子，我地點左墨汁墨魚丸，蟹子丸，芝士丸
友人特別欣賞芝士丸，仲特意俾左個特寫鏡頭佢
而牛肉方面，無疑係安格斯比肥牛更勝一籌，雖然肥牛唔差，但比較起嚟，牛格斯牛味偏重而且亦唔會「鞋」同韌。
之後仲點咗炸魚皮，好香口，浸過雞湯再撈起仲非常脆卜卜，愛好者必試！
飲飽食醉過後，店員細心問係咪食完後提示會上飯後甜品，而甜品係菠蘿涼粉紅豆刨冰，一見到就覺得賞心悅目，雖然已經好飽，但甜品係第二個胃嚟，一定要食晒佢。
紅豆好甜好大粒，而菠蘿粒亦唔會過酸，配埋涼粉花粉同刨冰
整體嚟講今餐真係覺得好豐富好滿足，亦為我呢餐畫上完美句號。
张贴
