保頓冰室

营业中

休息中

尖沙咀亞士厘道不嬲都食肆林立 今日經過見到有一間港味濃既仿舊式香港茶記 而且價錢一啲都唔貴 所以入去一試裏面不論侍應嘅服飾定還是餐廳嘅裝修都好有以前懷舊香港茶餐廳嘅味道我哋入去嘅時間咁啱Cross咗午餐同下午茶 所以兩個餐牌嘅嘢食都有嗌到午餐叫咗乾炒牛肉意粉 配凍檸茶意粉都炒得幾香幾有鑊氣 牛肉份量十足下午茶餐就叫咗兩個邪惡啲嘅小食法蘭西多士 新鮮炸起香脆 中間搽咗花生醬 面頭再搽上牛油同埋落糖漿 非常邪惡 但又好好食 炸脾薯條 個炸雞髀都做得幾出色 皮薄而脆 肉嫰夠味 薯條係波浪紋粗薯我哋加錢配咗兩杯特飲 菠蘿冰同雜果賓治 都係兒時嘅味道另外我哋叫咗個瑞士雞翼 雞翼夠淋而且非常入味 冇令我哋失望