我們特意在黃昏六時到達，避開繁忙時間。門外沒有人排隊，店內大約已有六成客人。店員提醒用餐時間75分鐘。
首先柯打一客原隻脆皮炸豬手，相隔10分鐘左右，一碟色香俱全的炸豬手已在送到面前，炸至金黃的皮比脆腩皮厚，咬落鬆脆，加上肉質嫩滑，味道帶少少鹹，俾個👍🏻。
再來一碟豉椒味菜炒鵝腸，鵝腸少少爽，不錯，但豉汁太多太濃，有點兒濕和鹹，差咗啲😔。至於炸大腸，廚師用另一種烹調方法，令大腸口感淋淋哋，微微酸甜，個人覺得比乾且脆更好👍🏻 。麵醬蒸黃花魚的火候剛剛好，魚肉滑滑加上少許麵醬，帶出鮮味😋。對小炒王沒有偏好，朋友反而覺得值得試試，食完一啖驚覺韭菜加蝦乾，可以令味覺提升，倒覺得有驚喜🤩。
金妹記位於尖沙咀，價錢大眾化，免收加一，食物質素有保證；地方雖小，令每枱距離甚少，但又不覺嘈吵，朋友相聚吹水一流，值得推介👍🏻
1
