忠誠茶座泰國菜

营业中

休息中

呢間泰國餐廳好出名 係大埔大尾篤入面咁山卡啦嘅地方 平日夜晚都要book位 可想而知食物真係有番甘上下質素 我地都係翻兜又翻兜🤣食完會懷念既味道！⭐燒鱔 - 每串都大大條 勁肥美 魚皮燒到香香脆脆 鱔魚肉質爽脆勁鮮甜 最正既係 我食吾到有骨！⭐串串餅配紅咖哩雞 - 呢度薄餅有別一般泰店 串串餅外型夠哂吸精 食得出一層一層好鬆化 沾埋咖哩汁同吃真係好正⭐豬脾 - 入哂味 肉質夠juicy夠哂林 ⭐豬頸肉 - 朋友話味道好似食緊叉燒咁 肉質就好Q彈爽！⭐冬陰功 - 我自己覺得幾攻鼻 每飲一啖就好想咳一次 但朋友們又冇乜野 湯料好足 共有四隻大蝦！⭐生菜包 - 魚露重手左 比較咸 要配埋生菜加青瓜先好d⭐ 蝦餅 - 基本上而家好多間都做得好出色 蝦膠打到好彈牙！我地六人叫左十樣食物 賣單都只係兩百蚊一位性價比超高！飽到捧住個肚走！