煎餅廚房

营业中

休息中

📍一直都勁鍾意食煎餅果子但係香港有賣嘅地方唔多，喺紅磡有一間專門賣煎餅嘅小店！門口仲有立食區可以企喺度食。份份都係即叫即整，招牌烤鴨煎餅($56)係最濃味我最鍾意，落肉嘅份量唔手軟都夾得好多，每份都會有埋雞蛋、薄脆同青瓜，食落口感脆卜卜又香蛋味，食一份已經夠晒飽。孜然羊肉味($73)就啱晒鍾意食清淡味嘅人，淨係加咗孜然味冇烤鴨嗰款咁多醬，羊肉都幾腍～沙嗲豬梅肉($51)沙嗲味幾濃但係唔辣，呢款加咗洋蔥粒更加爽口。另外都仲有嘢飲可以加配，西瓜沙冰($33)幾fresh同唔會好甜，木瓜牛奶($22)叫咗走甜後奶味更加出，同埋飲到木瓜淡淡香味。