拿督星馬大飯店 (已結業)

係報紙見到介紹一於同老婆去試，去到搵左一陣先搵到，當時大約晏晝12點唔算多人即刻有位，我地點左黑豉油雞腳撈麵，海鮮喇沙，蝦多士，凍白咖啡同拉茶，撈麵同雞腳賣相唔吸引但估唔到嘅好味，海鮮喇沙鮮味加野味，蝦多士蝦膠彈牙多士香口，白咖啡好香烘焙味，拉茶唔駛講…滑溜，差啲唔記得我地後尾再加左杯山楂冰，推介。大家去食記得一係晏晝12前一係2點後，因為lunch time會無位，就算有位都未必有人幫你落order,因為一多order老闆娘會唔接order住，就算坐左係度都冇得食！