第一次試Shoku - 算幾好,只係出菜略嫌慢咗少少
第二次Limewood - 俾佢環境呃咗..食物味道頗怪之外..杯Berry西瓜slush係冰到無辨法飲到(仲要係用幼飲管serve =.=)
今次見到TRi係同Bibo同group嘅..一開業就揾機會嚟試試..果然無失望
裝修 - 依照Bali島環境分為3大主題設計: man, nature, divinty. 第一次嚟就book咗蓮花型bamboo座椅,周圍有水包圍..感覺舒服relax..另外兩個zone就有antique teak wood長枱,以及真植物砌成嘅牆都好Bali氣氛...更直得一讚嘅係材料大部份都用上可持續sustainable物料..靚得嚟亦環保!..
*****
缺點: 因為有植物有水..坐位近水位置都有蚊飛來飛去..而蓮花型座椅張石枱同地下距離頗接近..肥胖或著短裙人士會坐得無咁方便/舒服
服務 - 侍應人數非常足夠..對客人要求亦細心有禮貌..主動介紹菜式特點..換碟,加水等基本功夫亦attentive
食物 - 唔止presentation靚..亦唔會一味香茅就算..同好多星馬泰印菜嘅餐廳唔一樣..好多時呢類餐廳嘅餐牌/選擇都差唔多,菜色味道未食都估到碟碟頗類近...喺TRi就感受到厨師有心機設計想打破呢個格局..清新唔油膩
總括嚟講..TRi係又睇得又食得嘅高質素餐廳..收費中上但絕對值回票價.
