瑞士咖啡室

营业中

休息中

今日黎到中環瑞士咖啡室食午餐，享受下香港茶餐廳野食。我地好滿意，食物水準高之餘份量又多，推薦。瑞士常餐有牛油多士、火腿奄列、瑞士雞翼(4隻)配公仔麵，飲凍朱古力阿華田。牛油多士香脆可口，火腿奄列夠滑。瑞士雞翼夠入味，凍朱古力阿華田就朱古力味重啲。營餐有鮮茄火腿通粉、各式三文治、烚蛋沙律、樽裝鮮奶。鮮茄火腿通粉有番茄蓉，酸酸甜甜，通粉滑身，火腿份量多。蛋牛治，烘底，好食，好足料，唔會好鹹，蛋厚身，正。烚蛋沙律份量多，有唔同材料，可惜有我唔鍾意既西芹。咖央西多士厚身，麵包鬆軟，加埋咖央、牛油、蜜糖，好食得黎又好邪惡。