龍門冰室 (已結業)

呢一日同個老友去屯門睇戲，順便去支持一下屬於香港人嘅餐廳，品嚐一下香港嘅地道口味。呢間龍門冰室位於龍門居，老實講就真係唔係話相當易搵，不過我地作為大西北友當然就熟晒路。呢日去到仲未夠6點鐘，同朋友各自嗌咗一個下午茶餐。我揀咗吉列豬扒+炸流心芝士火腿多士，再加多$10沙嗲牛麵，餐飲可以轉埋Cappuccino。1️⃣吉豬 ：好Juicy好有肉味，絕對唔似其他茶餐廳咁Hea交行貨。2️⃣炸多：呢個香港茶餐廳常見嘅配搭，好吸引嘅一個小食，再落埋舊牛油真係邪惡至極。3️⃣沙牛：不過不失啦，公仔麵上到枱唔會話太淋，因為呢個係其他茶記嘅通病，至於牛肉質素就一般般啦，呢個價錢都冇得要求咁多。最後，香港人加油。