味千拉麵

見佢下午茶幾抵，30幾蚊起唔使+1，諗住去試吓，叫咗個吉列豬扒拉麵，配一杯嘢飲，橙汁竟然唔使加錢，感覺上幾抵食，但係可惜啲嘢食質素非常差，豚骨湯底非常油膩，但係豚骨味唔重，只係飲到少少味，拉麵偏硬身，綁埋一舊，至於重頭戲係炸豬扒，外皮炸得非常脆，不過我諗佢應該改錯名，叫做炸豬片會適合啲，因為根本薄到成塊肉片咁，我諗只係比肉片厚少少，目測豬扒位置得0.3cm厚左右，而食入口完全食唔出豬扒味，連咬口都冇，我相信佢用咗好多鬆肉粉搞到口感都冇埋，成餐最好係杯橙汁

1