Will's Coffee (已結業)

深水埗的咖啡店多到住深水埗都飲唔晒！這天要去大埔道工作，正好順路試試這間迷你咖啡店。別看它面積細小，環境都幾舒適寫意，仲有啡嘆又有野食添！Will's Coffee 位於深水埗大埔道，位置近 Aeon $12 店對面，再行前少少就會見到美荷樓和嘉頓。咖啡店一眼睇晒，兩邊各有兩個座位，環境都唔算太逼夾，坐低偷閑嘆杯啡都舒服既。灰色牆面上面有粉色插畫，視覺效果都幾好。飲品Menu我覺得都有自家特色，中間特調系列好似幾有創意，非咖啡類飲品竟然仲有牛乳雪燕桃膠露，又幾得意。順帶一提，奶啡可以加 HK$4 轉做 Oatly 燕麥奶。又唔好睇佢鋪位細細，竟然都有好多野食，由牛角包、意粉、貝果到西多士都有，飲咖啡順便食個輕食醫肚亦得。店內有一半空間係廚房，另一半就係店面座位，可以睇得出有落心思佈置。Cafe Latte HK$36 (大)部分咖啡有分大杯和細杯，目前堂飲都係用紙杯，飲咖啡仲有得集點數，飲十杯送一杯。下次自備杯再去飲先。這天工作地點就在咖啡店隔壁幾個鋪位，女生沒事就是自拍。發呆的時候望下對面大廈的陽光都幾寫意。