The Cupping Room 終於在九龍區開分店，而且在旺角雅蘭中心，身為油尖旺之友表示十分歡迎！唔洗過海都有人氣咖啡飲，仲可以食到香濃的咖啡雪糕牛角包呢！
CR² By Cupping Room 位於旺角雅蘭中心地下，地理位置超方便，人流都幾旺架！
全新概念店保留 Cupping Room 的精品咖啡質素，亦特別設計了全新特色美食和飲品。
現場座位只有十來個，主打外賣為主。
店內亮點首推這幅由本地著名插畫家謝曬皮繪畫的彩色插畫，營造出一個鬧市中的偷閒小角落。
冷熱飲品都使用外帶杯，關注環保的你可以自備環保杯。
咖啡店以「A Coffee Lifestyle」為主題，咖啡豆是自家調配的混合豆。
除了一貫濃縮咖啡系列之外，記得試試精心炮製的冷萃系列、氣泡系列和骯髒系列，每一杯都有唔同特色好吸引呢！
咖啡店內亦可以吃到 La Vina 的蛋糕系列，我最鍾意芝士蛋糕，真係好好食架，買返公司下午茶慢慢嘆最爽。
亦有高質素酥餅和蛋糕等等，賣相和口味都好誘惑，減肥係聽日的事。
抹茶紅豆 / 朱古力海鹽焦糖 / 伯爵茶玫瑰 / 檸檬鷹粟籽 HK$42(件)
COCO CHANEL 椰子抹茶咖啡 HK$50
店內主打飲品是這杯無酒精版本的 COCO CHANEL，入面有自家製咖啡、椰子漿、牛奶和抹茶，層次分明賣相靚，飲起來味道仲好夾添！我仲試左轉燕麥奶的純素版本，非常好飲值得推介。
牛角包軟雪糕 HK$42
這個咖啡雪糕用自家烘焙咖啡豆研製而成，每日用冷萃咖啡混合Espresso 製造，難怪咖啡味超級香濃！它口感有點像Gelato，濃厚幼滑，夾埋有朱古力邊的牛角包一齊食別有一番風味！
咖啡店還有飯盒和飛碟三文治可以食，不過因為無素食我就唔特別介紹啦，希望之後有素食選擇我再同大家分享。
