影片
更多
2021-09-27
419 浏览
一早行完科學館諗住搵杯咖啡飲下，發現對面有間好迷你的可愛咖啡店，有咖啡飲又有野食，最特別係有一系列用植物奶和椰子水做的特飲，唔飲奶都有有趣選擇！這天咖啡店門口搭左棚維修，影唔到打卡相添！現場其實只有兩個座位，所以大部分做外賣為主。咖啡餐牌都幾齊備，比較特別我見到有 Dalgona coffee。夏日凍飲有好幾款都以植物奶為基底，有燕麥奶、杏仁奶，仲有椰子水咖啡，全部配搭都好有趣。鹹食有提供三款盒裝三文治，中間「Healthy」餡料只有牛油果，算係素食。另外有四種口味鬆餅，中間有流心的類型。咖啡店使用 Vitasoy 牌子的植物奶，這天剛好燕麥奶無貨，只剩豆奶和杏仁奶。這杯是黑芝麻配杏仁奶。Gray Almond Sesame HK$45(凍)想影打卡相的話這杯最搶眼，上層黑芝麻醬非常濃厚，絕對無偷工減料。糖漿沉晒落最底，飲之前記得攪一攪勻啊！不過枝紙飲筒給力，浸耐左就攪唔郁，都係環保少少自備飲筒更好！Healthy Toast HK$42牛油果多士用紙盒入住，外賣和食用都好方便，好穩陣又唔驚緊污糟手！厚多士有塗牛油烘烤過，吃起來好香好軟好味道，牛油果也非常足料，我覺得好滿意。Caff
一早行完科學館諗住搵杯咖啡飲下，發現對面有間好迷你的可愛咖啡店，有咖啡飲又有野食，最特別係有一系列用植物奶和椰子水做的特飲，唔飲奶都有有趣選擇！
這天咖啡店門口搭左棚維修，影唔到打卡相添！現場其實只有兩個座位，所以大部分做外賣為主。
咖啡餐牌都幾齊備，比較特別我見到有 Dalgona coffee。
夏日凍飲有好幾款都以植物奶為基底，有燕麥奶、杏仁奶，仲有椰子水咖啡，全部配搭都好有趣。
鹹食有提供三款盒裝三文治，中間「Healthy」餡料只有牛油果，算係素食。
另外有四種口味鬆餅，中間有流心的類型。
咖啡店使用 Vitasoy 牌子的植物奶，這天剛好燕麥奶無貨，只剩豆奶和杏仁奶。
這杯是黑芝麻配杏仁奶。
Gray Almond Sesame HK$45(凍)
想影打卡相的話這杯最搶眼，上層黑芝麻醬非常濃厚，絕對無偷工減料。糖漿沉晒落最底，飲之前記得攪一攪勻啊！不過枝紙飲筒給力，浸耐左就攪唔郁，都係環保少少自備飲筒更好！
Healthy Toast HK$42
牛油果多士用紙盒入住，外賣和食用都好方便，好穩陣又唔驚緊污糟手！厚多士有塗牛油烘烤過，吃起來好香好軟好味道，牛油果也非常足料，我覺得好滿意。
Caffe Latte HK$42(大)
這裡的咖啡使用自家烘焙咖啡豆，入口幼順有少少鹹香，我覺得飲黑咖啡應該都唔錯。
三重朱古力肉桂焦糖流心鬆餅 HK$28
朱古力控見有三重朱古力一定揀佢啦！鬆餅翻熱之後朱古力好似溶岩咁流出來，確係好誘人，蛋糕本身亦濕潤鬆軟，配咖啡真係一流。
個流心都幾澎湃喎！我略嫌佢唔夠朱古力香，吃起來似朱古力糖漿之類，不過整體又唔算太甜。
現場無座位除了買返辦公室飲飲食食之外，拎過對面公園，坐在大榕樹下野餐都唔錯，樹下面唔會太曬太熱終於有點秋意，真係舒服。
张贴
