丼瀛 (已結業)

形容尼間日式餐廳為香港人的博物館一d都晤過份。店外已經擺左大量文宣，店內亦貼左過往重要新聞及寄賣黃圈手作。係今日既環境底下，有尼份既堅持同勇氣，絕對值得我地既尊敬。希望平日佢晤會受到太多既騷擾同不公平對待。講反餐廳環境同食物先。餐廳乾淨闊落，坐得好舒服，侍應服務殷勤有禮，會主動問需晤需要額外碗筷同加茶。今晚點左海之幸丼，築地壽司杯同什錦天婦羅。丼飯刺身份量好足，但略嫌未夠新鮮，飯面加左類似七味粉既野調味，口感同味道都豐富左好多，個人黎講係幾鐘意的。壽司杯有七種不同刺身飯，擺盤吸引特別，但接近二百七十的價錢其中有一款係黃金魷魚就有d失望，飯就有d乾身同較硬。天婦羅正常發揮。整體黎講，除左壽司杯外，各款野食性價比都合理，餐廳都好有心機推左好多折扣優惠，午市外賣四十蚊就有交易。疫情下餐廳晤易做，同路人要多多支持，餐廳亦要加油，繼續進步。