原點 (已結業)

黎到下午茶時間啦，女仔梗係要食甜品啦，經過見到呢間屬於香港人既甜品，未食都流口水。好，坐低睇下有咩好食先。麻糬窩夫，揀左烘面棉花糖，棉花糖入左格仔裡面，好甜好好味，窩夫係綠茶底，咬開入面有麻糬架，食到幾個層次，配埋曲奇雪糕添。抹茶心太軟配水果加雪糕，我哋都係抹茶空，梗係要食抹茶，抹茶心太軟好有抹茶味，配埋水果一齊食清清地，仲有抹茶雪糕，正。湯圓小丸子椰皇燉蛋白，暖笠笠嘅蛋白，芝麻湯圓好煙韌，仲可以食埋椰皇肉添！