早前機緣巧合已試過芝牛堡，蝦堡，菠蘿雞堡。今次幫襯，終於遇上本店最愛。
黑松露牛堡，再私人加隻煎蛋，滿滿既黑松露醬，變得更creamy, 成個包即時升華晒😋生菜蕃茄都新鮮，爽脆 ，牛肉漢堡就較乾身，油份適中，肉汁偏少，味道單薄，芝士味道較淡身。面包軟熟。
薯條粗身，目測量少，不過食落都夠，外脆內軟，薯味不重，有自助醬料吧，醬料任添。
炸燒賣外層偏硬，煙煙unun, 夠椒鹽味。
坐位不算逼夾，留意繁忙時間人多，排隊人龍較長。出餐算快。
屬於香港人既漢堡包店，有屬於本地文化既特色小食，更有多款配料可加，根據自己喜好自選，各價格不相同，平有平食，貴有貴食，豐儉由人，選擇不再只有M記或西餐廳。
推介指數：💋💋💋💋 （4/5）
