唂咕 (已結業)

生活每日都充滿挑戰，放假最開心就係四圍搵嘢食放鬆吓。最近喺利東街附近發現咗一間紅白色嘅飲品店，入面有好多可愛嘅貓頭鷹飾物，實在太得意啦！😍❤️🤍呢間店叫「唂咕」，專賣朱古力特飲，主打無糖同低糖嘅可可飲品，健康又吸引！開心果可可✨我試咗無糖版，口感非常順滑，濃郁嘅可可香味同堅果香味融合，每一口都感到滿滿嘅幸福感。，飲完之後好飽，對於想減肥嘅朋友嚟講，真係完美之選！凍榛子朱古力✨呢杯都非常值得推薦，朱古力香氣濃郁，帶住一絲絲嘅甜味，飲上一口，真係令人陶醉，啱晒朱古力迷！店員仲送咗兩張$10嘅優惠券同一張印仔卡，飲滿七杯仲可以免費送一杯，真係好抵！下次嚟都可以試多幾款！喺忙碌生活中獲得一絲甜蜜嘅放鬆，真係太好啦！🍫🥰