雲吞仔 (已結業)

今日要介紹呢間《雲吞仔》，喺我最近食過覺得最有人情味嘅一間！！一入到去鋪頭，就有好多舊香港嘅照片，充滿香港嘅色彩， 呢間雲吞仔主要係食雲吞麵，另外牛筋同牛腩都係好出色嘅！！所以我嗌咗個三拼食曬啲三樣招牌餸！加埋個菜同飲品都係60蚊啫！！即叫即煮，大大碗熱辣辣，佢的辣椒油，好正，自己調教辣味。最讚係個湯底好好味，食得出冇落味精，食落好舒服，又好味唔口渴， 另外料都多份量的，牛腩好嫩淋 ，牛根好大條，軟身又入味，雲吞大大粒，好鮮味，真係好好食呀！！個餐仲配咗個菜，有四款菜揀，分別係通菜，菜心，芥蘭同生菜！我就揀咗通菜，梗係腐乳通菜呢！好好食呀，而家個菜要讚洗得好乾淨，飲品就可以飲汽水或者豆漿咁，我就揀咗豆漿，好飲唔會太甜，感覺清新又健康！另外嗰個店員服務都好好，好親切嘅感覺！！好有人情味！！而且佢有一個牌寫住（為善最樂），畀一啲有需要嘅人，可以免費嚟食麵，好有善心，好有人情味，係香港人嘅精神，所以覺得更加要支持！！而且真係好好食又好抵食！下次會再嚟！！支持！！💪😀