龍門冰室 (已結業)

夜晚10:00見有點口痕想食宵夜，行咗兩個圈發現所有舖頭都因為疫情嘅關係而提早關門。喺OpenRice見到龍門冰室係收凌晨一點，即刻諗住行過去睇吓，點知唔使排隊，即刻入去試下。一入到去， 姐姐已經即刻幫我哋量體溫，安排座位，提示我哋有紙袋可以放口罩，果然夠細心。由於太肚餓嘅關係所以我哋就只係叫咗一個瑞士雞翼，炸雞髀，龍鳳檸樂，鹹檸七。瑞士雞翼：可能係套餐，份量少得三隻，味道普通。建議最好唔好浸住，因為越食越鹹。炸雞髀：上菜嗰陣，我第一下心諗咁乾既。點知切開嚟食嗰陣，超級juicy，雞肉口感嫩滑，全熟冇血水👍🏻龍鳳檸樂：普通一罐可樂加檸檬冰底。鹹檸七： 有驚喜超級推介！酸酸鹹鹹又甜甜地，係我覺得香港茶餐廳之中最好飲嘅一杯，平時出邊嘅鹹檸檬係醃得唔夠味，呢間真係好好，解渴之餘又想再返飲總結：越夜越多人，特別係好多年青人打完波都會嚟食，好熱鬧！