影片
更多
2021-05-17
1169 浏览
出面又曬又熱，我都係去酒店吹冷氣食下午茶。中環石板街酒店的意大利餐廳 GRADINI 最近聯乘刺繡品牌 La broderie 推出一個夢幻莊園下午茶，有花有蝴蝶又有刺繡成個主題晒我呢！GRADINI × La broderie 夢幻莊園下午茶供應日期：即日至7月16日供應時間：15:00 - 17:30價格：HK$298/1位、HK$528/2位平時見到樓梯會避開，所以成日出中環都無留意到有這間石板街酒店，外面的石板路配歐風街景影相好有情調喎！酒店入口在士丹利街，一推開門由繁忙香港都市走入懷舊歐洲宮殿，好適合穿靚靚來食下午茶啊！今次聯乘的 La broderie 是本地刺繡品牌，特色是結合中式與法式刺繡，可以訂製好精緻的刺繡飾品，來吃這個下午茶也有優惠券送。品牌最新系列以蝴蝶為主題，原來刺繡不一定只有平面，也可以如此立體和生動。除了針線之外，刺繡中還加入水晶鑽石之類，整個豪華又高貴，手工無價。GRADINI 是位於酒店大堂的意大利餐廳，入面裝修典雅，主色是很多少女大愛的湖水綠色。下午茶有四款鹹食、四款甜食，飲品可以揀夏日冰茶特飲或者咖啡茶。 GRADINI × La broder
出面又曬又熱，我都係去酒店吹冷氣食下午茶。
中環石板街酒店的意大利餐廳 GRADINI 最近聯乘刺繡品牌 La broderie 推出一個夢幻莊園下午茶，有花有蝴蝶又有刺繡成個主題晒我呢！
GRADINI × La broderie 夢幻莊園下午茶
供應日期：即日至7月16日
供應時間：15:00 - 17:30
價格：HK$298/1位、HK$528/2位
平時見到樓梯會避開，所以成日出中環都無留意到有這間石板街酒店，外面的石板路配歐風街景影相好有情調喎！
酒店入口在士丹利街，一推開門由繁忙香港都市走入懷舊歐洲宮殿，好適合穿靚靚來食下午茶啊！
今次聯乘的 La broderie 是本地刺繡品牌，特色是結合中式與法式刺繡，可以訂製好精緻的刺繡飾品，來吃這個下午茶也有優惠券送。
品牌最新系列以蝴蝶為主題，原來刺繡不一定只有平面，也可以如此立體和生動。
除了針線之外，刺繡中還加入水晶鑽石之類，整個豪華又高貴，手工無價。
GRADINI 是位於酒店大堂的意大利餐廳，入面裝修典雅，主色是很多少女大愛的湖水綠色。
下午茶有四款鹹食、四款甜食，飲品可以揀夏日冰茶特飲或者咖啡茶。
GRADINI × La broderie 夢幻莊園下午茶
供應日期：即日至7月16日
供應時間：15:00 - 17:30
價格：HK$298/1位、HK$528/2位
下午茶用三層鳥籠送上，層架仲係鏡面，小點又用食用花裝飾，整個非常夢幻！
不吃肉的話鹹點可以食那個青瓜忌廉芝士卷，甜點就全部都可以食啦。
紅色的夏日特飲用伯爵茶做基底，加入小紅莓汁和青檸片飲起來清爽清新，球形冰塊還加入食用花，好切合主題呢。
清清涼涼的好好飲，而且無加糖唔驚太甜。
如果飲茶的話，可以自選一款 TEA WG 茶，比較特別的有櫻花茶和新的 Silver Moon Tea。
Scone 配 Cherry Jam 和 Clotted Cream 食，原味口感鬆脆，吃起來都幾香。
青瓜片中間係好薄好薄的麵包片之類，上面有一層 Dill Cream Cheese 醬，雖然係 Cream Cheese 但唔會太膩，口感仲好有層次。
這杯是香檳Jelly 配雜莓泡泡，因為 Jelly 唔係好結實，所以成杯飲都 OK，入口有少少酒味，配雜莓泡泡又香又好味。
我最喜歡這個蝴蝶果撻，黃色餅皮輕薄又脆身，中間是朱古力泥巴，配草莓小紅莓和燈籠果，整個造型精緻味道也很融合。
切開就見到層次好豐富。
因為無食到鹹點，所以叫多個小食醫肚，餐廳的素食選擇唔多，不過有我最鍾意的 Burrata Cheese 所以無問題。
Burrata Cheese HK$158
芝士波上面的圓形小球球並唔係魚子，而係用份子料理做的橄欖油珠珠，一咬有爆珠感仲吃到油香。
Burrata Cheese 就係食成舊芝士的意思，切開入面有少少流心狀，配番茄和黑醋就好好食啦。
好久沒吃下午茶，今次這個夠靚影到打卡相，環境和味道亦很令人滿意呢！
张贴
