影片
更多
2016-08-24
740 浏览
想試好耐， 之前見到 ig 見到呢間餐廳有素食嘅甜品，呢日終於試到。星期一行咗過黎，點知經隔舖嘅人先知道lucy 星期一唔開。 但因為太想試，所以星期三再過嚟。呢個地方離荃灣地鐵站幾遠，但唔算真系好難揾，一入到去，店員好親切咁比咗個餐牌比我地，仲見到好幾種好靚嘅蛋糕，其實我比較想試佢嘅慕絲蛋糕，發現冇慕絲系有啲失望，但眼球深深比佢哋嘅大大舊好似雪芳蛋糕嘅蛋糕吸引住，可能因為好想試佢嘅甜品。店鋪位唔多，但系廣闊嘅空間令人覺得好舒服，而且因為客唔多，所以唔驚冇位坐。坐底冇耐，我地就叫咗一個素食嘅鷹嘴泥漢堡同一件係店員細心介紹同得知蛋糕嘅材料之後所叫嘅素食朱古力 muffin，因為本人唔食得牛嘅產品，所以呢件蛋糕絕對係無有怕嘅甜品 。店鋪嘅餐具都系自助形式嘅，即係需要自己攞餐具， 而嘢食就由店員攞過黎，店員好細心咁同我地講要襯熱食， 覺得真系好 warm 。 可能我地唔系好肚餓，而且甜品上枱先，所以等個漢堡30分鐘冇難度。 甜品到後，試一試味道，唔太甜但有香而唔澀嘅朱古力味，最開心係有朱古力碎係入面，更加加分，就算冇奶嘅甜品好好食，食到食完都仲想食，不過如果怕乾嘅蛋糕嘅朋友呢個就可能唔系好適
星期一行咗過黎，點知經隔舖嘅人先知道lucy 星期一唔開。
但因為太想試，所以星期三再過嚟。呢個地方離荃灣地鐵站幾遠，但唔算真系好難揾，一入到去，店員好親切咁比咗個餐牌比我地，仲見到好幾種好靚嘅蛋糕，其實我比較想試佢嘅慕絲蛋糕，發現冇慕絲系有啲失望，但眼球深深比佢哋嘅大大舊好似雪芳蛋糕嘅蛋糕吸引住，可能因為好想試佢嘅甜品。
店鋪位唔多，但系廣闊嘅空間令人覺得好舒服，而且因為客唔多，所以唔驚冇位坐。坐底冇耐，我地就叫咗一個素食嘅鷹嘴泥漢堡同一件係店員細心介紹同得知蛋糕嘅材料之後所叫嘅素食朱古力 muffin，因為本人唔食得牛嘅產品，所以呢件蛋糕絕對係無有怕嘅甜品 。
店鋪嘅餐具都系自助形式嘅，即係需要自己攞餐具， 而嘢食就由店員攞過黎，店員好細心咁同我地講要襯熱食， 覺得真系好 warm 。 可能我地唔系好肚餓，而且甜品上枱先，所以等個漢堡30分鐘冇難度。 甜品到後，試一試味道，唔太甜但有香而唔澀嘅朱古力味，最開心係有朱古力碎係入面，更加加分，就算冇奶嘅甜品好好食，食到食完都仲想食，不過如果怕乾嘅蛋糕嘅朋友呢個就可能唔系好適合啦。
到主菜漢堡嚟咗，睇落份量唔太多，但唔知係米冇咩食欲，兩條大食友食一個主菜加一個甜品就飽咗。平時好驚食 漢堡就系驚食到周圍都系，但系佢比個好似斧頭嘅得意刀仔我地好輕易就將佢切開。而味道方面，鷹嘴泥味道唔重，反而重好香嘅牛油果味，不過搶咗主角鏡就有啲失望啦，不過整體食落口感幾豐富，而配菜係薯仔同蕃薯條，味道調得岩岩好，唔太鹹但有令人想一試再試嘅鹹味，不過有啲個乾嘅感覺。
食完坐咗好耐傾咗好耐計先走，呢個係一個好好比人放鬆嘅好地方，但坐咗好耐發覺 lucy 下就冇咩人，好擔心嘅係係呢加呢個香港呢種咁有味道嘅 cafe 會唔會好難生存呢？ 我就覺得呢種小店比起限制坐幾耐 嘅 cafe更有 cafe 味， 雖然價錢唔算平，但系佢所花嘅心絲，就好值得我地用呢個價錢去幫襯，所以 希望大家會繼續支持呢間小店，希望佢會繼續進步！
veggie burger
33 浏览
0 赞好
0 留言
张贴
