🌟麵餅醬香五花肉✨香港限定✨
麵餅包住香脆五花肉，好似食緊片皮鴨，但又多左一重香脆口感。五花肉無多餘油份，配上蔥絲同青瓜等配料，更清爽唔油膩。
🌟粉絲裹蝦
不愧為人氣之選！蝦煲喺我哋面前即席煮熟，熱辣辣令人食慾大增。去殼大蝦爽口彈牙，粉絲吸晒大蝦、洋蔥蒜油等等嘅味道，超惹味，送飯首選！👍
🌟鮑魚小炒肉
又一個下飯菜式！青椒炒肉本身已經香口，加上鮑魚片又多左一重煙韌口感。有小火爐一路保温，食到第二碗飯小炒依然有鑊氣。
🌟西湖雷峰塔✨香港限定✨
必點打卡甜品！賣相好精緻！本身以為係豆腐做，試真原來係山藥奶凍、雪糕同青豆泥混合而成，唔怪之得奶味咁香濃，值得一試！
🌟龍井檸檬茶
檸檬茶底係龍井茶，味道淡雅，杯上有一隻以茶製成嘅小熊造型冰塊，除咗裝飾，融化後重可以保持茶味，十分貼心。
