小魚兒 (富麗花園) (已結業)

之前食過小魚兒尖沙咀分店，無論烤魚 、鑊氣川菜同串燒都唔錯。今日去將軍澳搵朋友食飯，見到呢度都有間小魚兒，即刻想試埋佢地既雞煲。半隻重慶雞🐔煲，滾左既雞煲香噴噴，個調味好正。我地BB辣，味道小小麻，下次可以叫小或者中辣，應該仲惹味。薑蔥爽魚皮雞煲未到，叫涼拌魚皮咬下先。魚皮好爽囗，出面又少有👍。金沙蝦球🦐蝦球新鮮彈牙，粒粒金黃色，沾滿鹹蛋黃，好邪惡好好味。濃湯蟲草花竹笙浸娃娃菜叫番啲菜健康下先，湯底香濃，材料豐富，有蟲草加竹笙，唔會比其他菜式輸蝕。