新成記粉麵茶餐廳 (已結業)

好耐冇食過湯粉麵啦，同朋友係附近行下肚餓就入黎食，首先係比佢好香既牛腩麵味吸引左入黎，地方都算乾淨企理，係普通粉麵店舖既格局，侍應落單到上菜都好快手，朋友叫左個金牌牛雜魚麵，我就叫左牛肚粗麵，湯底味道十分濃郁，我同朋友都話好好飲，雖然好飲但味精應該幾重，因為飲完都幾口渴，牛肚非常稔，夠曬入味而且吸左啲湯好juicy. 有成6舊牛肚都幾大件，至於粗麵一定要讚！唔知係唔係手打但蛋味好濃，好爽口同大條兼闊條，叫我食齋麵加湯底都夠曬！都只係盛惠32蚊！