影片
更多
2020-03-04
87 浏览
好耐未食過傳統風味嘅印度咖哩喇，因為屋企嗰區唔係好覺有，昨晚特登去佐敦食，入到鋪見到職員全部印度人，不過餐牌有曬中文，手指指點餐無難度~餐廳裝修都幾有印度feel，水杯係金色嘅，電視播住印度MTV。叫咗印度小脆球，菠菜咖哩雞，烤餅同印度拉茶。菠菜咖哩雞朋友唔食得辣(我自己都唔係好食得辣），問老闆(應該係，我自己估嘅）推介下叫嘅。嚟到果然啱曬我哋口味，夠香得嚟唔辣，夾埋烤餅好正。烤餅好彩無口痕叫多份，一份已經係好夠份量。小脆球真係好脆，脆過食薯片，口感好過癮。拉茶我失手想落半包糖成包倒咗落去，變咗好甜，試唔真。同行朋友好鍾意呢度，話下次同成班friend嚟食多d款式。走嘅時候老闆送咗兩個口罩比我哋
餐廳裝修都幾有印度feel，水杯係金色嘅，電視播住印度MTV。
叫咗印度小脆球，菠菜咖哩雞，烤餅同印度拉茶。菠菜咖哩雞朋友唔食得辣(我自己都唔係好食得辣），問老闆(應該係，我自己估嘅）推介下叫嘅。嚟到果然啱曬我哋口味，夠香得嚟唔辣，夾埋烤餅好正。烤餅好彩無口痕叫多份，一份已經係好夠份量。
小脆球真係好脆，脆過食薯片，口感好過癮。拉茶我失手想落半包糖成包倒咗落去，變咗好甜，試唔真。
同行朋友好鍾意呢度，話下次同成班friend嚟食多d款式。走嘅時候老闆送咗兩個口罩比我哋
张贴
