咕咾 (已結業)

夜晚十點半口痕想食宵夜，就黎到呢間裝潢懷舊復古既小食店。小店主打炸物，但呢度嘅炸物絕對非一般，而係我最鍾意嘅咕嚕肉呀！而且仲有得自選不同部位👍🏻食炸物驚熱氣，即刻飲番杯涼茶下火先！佢呢度嘅涼茶非常之特別，叫做涼茶啤酒。雖然叫啤酒但係不含酒精，只不過係賣相同啤酒相似。竹蔗茅根微甜，冰涼解渴～炸物即叫即炸，梅頭豬香脆，炸粉唔會有過厚既問題，蘸上招牌嘅咕嚕醬汁，酸酸甜甜，不錯。而我覺得炸魷魚圈都不可錯過，只需要加$10要套餐就可以有兩種享受。食物幾特別，炸物質素唔錯，可以再戰。