好燒味 (已結業)

由於同事係食齋嘅，佢就揀咗素食叉燒飯。我就無食過素叉燒，所以都跟佢一齊試下。我仲加咗一個流心蛋，叉燒味道同熟肉唔同，食落都幾香，口感係Ok嘅。點上蛋汁味道更加好。我地都係外賣攞返公司食，個盒幾得意。用湖水綠紙盒裝嘅。一個飯都係五十幾 ，價錢合理。素食人士都可以選擇嘅燒味飯。地點亦都好易搵，就係地鐵站內。不過我都係鐘意食佢地主打嘅慢煮叉燒多啲，口感味道都更好。睇嚟我都唔啱食齋。同事就覺得味道都可以接受，認為都整得幾香口。