環境 / 自助區
餐牌 
15
有A,B,C 三款，分別在於有無手切本地牛肉及其種類，仲有海鮮選擇，我哋就試最平嘅套餐。
150分鐘任食雞煲 x 任食火鍋 $328起 每款套餐都包任食小食、任食雞煲及送一盤時令海鮮。
未食得之前食住小食先！推薦芝士松露墨魚多士、胡椒豬肚卜卜蜆，份量唔馬虎，味道都唔錯，仲流沙黃金蝦、椒鹽魚皮等等。
雞煲預設微辣，芫茜、洋蔥爆得幾香，雞件都有醬汁包裹住。食完雞煲就上火鍋，有8款湯底可選，款款都唔洗加錢，連椰子雞都有，但我哋還原基本步，食返HK style 沙嗲湯。
轉火鍋之後，先上送時令海鮮，有海蝦、蟶子、魚片及沙白，雖然係送嘅，但質素唔錯！A套餐主打特級美國安格斯、牛肩肉眼、牛胸腹等。仲有紐西蘭羊卷肉、極・黑豬頸肉、極・黑豬梅頭肉、三黃靚雞、花雕醉雞。較鍾意佢嘅羊卷肉，羶味剛好。相反海鮮我係咁encore！特別係時令貝類，無沙又帶煙韌口感，自帶鹹味，encore咗3,4次，吊桶都唔錯。
點少得丸/餃類，手工鮮蝦雲吞、手工粒粒墨魚丸都彈牙，除咗剔剔紙上面嘅選擇之外，仲有自助區嘅火鍋配料，以蔬菜類為主，都有急凍丸類好似香芋丸、芝士類等等，好得意有隻獨立包裝叫麻吉燒，有黑芝麻/花生味，原來似湯圓咁，用沙嗲湯煮湯圓真係別有一番風味😂
