泰麵膳 (已結業)

同朋友聚舊本來想去食附近一間餐廳，結果去到好多人排隊，結果行去第條街就發現呢間泰國菜，外面睇完menu 覺得價錢唔貴就入左去食。星期三晚唔洗排隊就有位坐，仲要兩個人坐4人台，環境坐得幾舒服唔錯，仲有個籃比你放低個袋幾貼心。兩個人叫左兩款主食同1個小食，湯面我地揀左滷水脾河粉。結果啲河粉好驚喜！又彈又滑，同平時食既河粉唔同，值得一試！滷水脾啲肉都入味又鬆軟，加分！配菜仲有豬紅兩件同鴨肉～豬肉炒泰國金邊粉，個味我幾鍾意，唔錯！鳳爪，我覺得味道還好，可能自己食唔慣太多香料定洋蔥，所以覺得還好啦～兩個人埋單每人85左右，我覺得係旺角黎講都可以，尤其環境係幾舒服，有機會會再幫襯～