荳號 (明德商場) (已結業)

竟然見到自己一直都好想試嘅荳號分店，所以一次過買咗三杯，請埋兩個朋友飲！🥤芒椰小丸子 $34其實當初一直好想試荳號係因為佢有呢杯芒椰小丸子！相信90後嘅大家一定有飲開許留山，佢即刻令我重拾兒時嘅味道啊！芒果好甜椰汁好香，小丸子就算浸咗咁耐都唔諗，非常煙靭！🥤Double多多冰號 $30朋友叫咗杯益力多冰，非常冰凍！就算上到朋友屋企佢都話仲係有粒粒冰嘅口感，而且唔係死甜！佢仲話加咗椰果非常之夾！🥤草莓之奶 $28另一個朋友叫咗草莓奶，佢話完全冇藥水味，非常之香嘅士多啤梨，酸酸地配搭埋牛奶好滿足！佢仲好識食咁加埋小丸子，十足十食緊糖水咁！大家不妨參考吓我呢幾個配搭啦！另外一讚佢仲配搭左吊帶方便我哋拎飲品，咁就唔使加錢買膠袋又環保又慳返啦！📍荳號 (明德商場) (將軍澳)將軍澳培成里10號明德商場地下25號舖