樸一拉麵

营业中

休息中

女人街兩旁餐廳日新月異，最近又新開左間拉麵店，拉麵控嘅我絕不錯過，即刻約同事晚餐！拉麵店於街頭附近，位置易見。店面光猛以白色為主，感覺乾淨。拉麵店選擇比較集中, 只有幾款, 但除左基本的豚骨及辛辣之外, 亦有海老及罕見的蟹膏, 所以我地揀左比較惹味的辛辣及蟹膏!蟹膏拉麵有隻蟹鉗襯托, 賣相好精美先試湯頭, 味道濃厚偏杰，而拉麵富有蛋香叉燒肥瘦均勻，燒得平均, 而且厚切非常有誠意，入口每吋都有肉香蟹膏放一旁配有絲絲蟹肉, 每啖拉麵放少少蟹膏共嚐,好香濃友人的辛辣拉麵, 看似非常辣, 但其實無搶走拉麵原有味道, 如果不夠辣的話, 碗邊亦有辣方便自由調教。整體上滿意, 期待推出期間限定~