野田珈琲生豆專門店 + 焙煎

营业中

休息中

細細個開始飲咖啡，由茶記凍啡到後來中學年代開始興去樓上cafe玩board game，開始接觸cappuccino，latte，mocha，macchiato等不同口味咖啡。但飲來飲去都一定係帶點甜嘅口味，還未學懂欣賞黑咖啡。直到後來去韓國旅行，韓國友人介紹我飲「冰美式」，終於首嚐黑咖啡的滋味，不過並未愛上。近年口味愈來愈淡，亦成為黑咖啡的捧場客，但通常都只是喝一般的冷萃咖啡。今次朋友介紹我飲呢款加咗氮氣嘅冷萃咖啡，口感幾特別，有種絲滑口感，連同行另一位從不喝黑咖啡的朋友也表示可接受。店內除有咖啡提供，亦有幾款甜點可供選擇用以佐咖啡，不過佢其實唔係cafe，而係一間專賣咖啡生豆嘅舖頭，有咖啡飲，只係想等大家買咖啡豆時，如果唔清楚口味，可以買杯咖啡試吓味，啱先買豆返屋企。店舖提供即場炒豆服務，亦可以選擇買生豆返去自己炒，全部豆皆由日本進口，品質有保證。炒豆前職員仲會幫你將唔靚嘅豆揀出嚟，以確保質素添！