宮崎肉本舖 (已結業)

新店開張，十分旺場，原來係宮崎肉本舖在香港首間分店，餐廳採用日本直送食材，果然高水準，放題主打宮崎A5和牛之外，還有多款小食、沙律、海鮮，黑豚、地雞、甜品、飲品等等，都有驚喜，絕對值得一試，餐牌有展示一隻牛的不同部位，俾我知道食緊乜嘢，都幾有趣，有部份係一隻牛的稀有部位，平時冇乜機會食得到，仲要係宮崎牛。就算唔想食咁多牛肉，都有其他選擇，總之見到個Menu，任點就好開心。銅鑼灣Sugar+ 係全新的地標，在皇室堡隔離，地點方便， 店內和式裝修，雅致亮麗，感覺舒服。招待我哋嘅服務員，真係冇得彈，一邊介紹食物，一邊幫我哋燒烤，我哋咁煩，佢都態度良好，如果問我整體評分，我會俾90分，留番啲進步空間。