coffeeflow (已結業)

第一次參觀饒宗頤文化館，除咗打咗好多卡，影咗好多文青靚相外，就係嚟咗呢間靚靚cafe食晏喇～ 秘製龍蝦包配沙律（$88）- 麵包脆身得嚟好鬆軟，同龍蝦仔好夾，味道好夾得嚟又很有。而伴碟沙律菜都好新鮮。招牌龍蝦仔白汁意粉（$98）- 係個好creamy嘅意粉，龍蝦仔份量唔小，口感彈牙，配埋爽口蘆筍好味道。而令我最有驚喜係佢哋炙燒咗先送上，味道特別。朱古力蛋糕（$25）- 朱古力lover一定要試，因為呢個蛋糕有好多layers 都係勁濃郁嘅朱古力。玫瑰士多啤梨牛乳咖啡（$58）- 賣相好靚，估唔到無伏😂本身以為加咗士多啤梨味會好怪，原來士多啤梨味無咁突岀，反而最岀係玫瑰香，整體好飲。Latte（$32）- 係好cute cute 嘅熊仔樣，而咖啡味都好rich。