Noodies (已結業)

前排過黎西環食飯，開心大發現左呢條隱世第三街，今晚收工一於疊賣心水過黎試一試！ 今日叫左碗黑薯糕，豬手，帆立貝，溏心旦，八爪魚餅冬蔭公馬來西亞手工面加有機蕎麥面。黑薯糕，係蒟蒻既口感，幾得意但無咩實際既味。豬手係另外用碟分開上，份量唔少，膠質幾多，肉質亦夠曬淋，整得幾入味！帆立貝又幾大粒，並無海鮮既腥，而且肉質仲好嫩滑tim，不過得一粒，哈哈！溏心旦係原隻上，呈半流心狀，質地香滑，口感細緻，無叫錯！！八爪魚餅做得亦幾有咬口，應該係自家制出品，魚粒做到煙煙unun咁，軟得黎有嚼頭，有點魚旦味。湯底有清新既芽菜，帶微酸辣味，椰奶味唔會好濃，淡淡然香辛既調味令食材同面底都吸收到充足既味道。本來好想食昆布面，點知又賣曬！後來叫左手工面加蕎麥面，未食已覺得好醒胃!!蕎麥面本身無咩味，但就好健康，加上冬蔭公汁幾香。手工面係細條幼身咁，望落刺米粉，食落幾淋身！生菜包30製作需時，呢個唔係平時有好多生菜俾你自己鍾意幾多“”不“”幾多豬肉包住食既，而係一早用菜包好肉既三份仔，不過咁仲方便啦！呢個生菜超爽口新鮮，豬肉碎唔鬆散，亦都無過咸，有點蔴油香味，配上香口芝麻同芫茜，感覺特別有心思。價錢好抵食，哇哈哈