住家菜 (柯士甸道)

营业中

休息中

當晚同朋友共六人去咗依間試下，因為之前聽人介紹過依間嘅賣點係啲食物冇乜味精。我哋叫咗每人一小煲老火湯、黃金蝦、酸甜斑塊、蝦醬蒸豬肉、豆豉鯪魚油麥菜、蜜味蒜香骨等。初初我哋仲諗每人一小煲老火湯會唔會好誇張，點知份量啱啱好，又好夠味。黃金蝦炸得好鬆脆，鹹蛋味好出。酸甜斑塊嘅酸甜程度好平均，非常好食。蝦醬蒸豬肉啲蝦醬非常出，因為我哋都好鍾意食蝦醬，所以都覺得依碟餸非常好食，感覺好似屋企煮嘅餸，真係餸如餐廳名 —— 住家菜。豆豉鯪魚油麥菜及蜜味蒜香骨都好得。所以，總括來講，所有食物我哋都好鍾意。