尚八日式燒肉店 (已結業)

朗豪坊睇完戲，想食燒肉，揀左呢間放題，因為餐牌好多種類，各種肉有好多醤汁同部位揀。上到去，有得坐卡位真好，食咁多間放題，呢間都算多野食，職員非常熱心介紹，仲好勤力不停收我地d order紙，食嘅時候佢地好勤力收碟，不停有招呼我地一坐底，好快就送上刺身，賣相新鮮，色澤靚。開始先出去自助取飲品，都算多種類，同特別。之後叫左d前菜，例如：枝豆，豆腐，蕃茄，同一d小食。牛魔皇嘅我地叫左好多次牛肋肉，唔同醬汁都encore幾次，肉質都幾靚，大件、新鮮，正！！ 我地煎得沒有過火，又唔油膩。牛油燒元貝同蝦都算大隻同新鮮，一樣無過火，好味，滿足的一個晚上，會再來～