Lockeroom Dining (譽發廣場) (已結業)

澳洲草飼牛柳蒜香意大利扁麵(套餐)套餐配一個沙律、兩片蒜蓉包同一個南瓜湯。沙律菜都幾新鮮，值得一讚係個黑醋汁。蒜蓉包外皮脆裡面鬆軟，蒜香味好出。牛柳七八成熟，外焦裡嫩，甘香又juicy，冇落太多調味，原汁原味。扁麵口感比較實啲，味道偏甜，蒜香味亦唔太濃。飲品揀咗凍蜂蜜柚子茶，清甜。海鱸魚柳香草醬意大利燴飯海鱸魚柳外皮煎到好香，魚肉嫩滑爽口，飯煙韌有嚼口，而且好creamy，甜甜哋，香草味又濃，非常可口。鹹蛋黃小食拼盤。有雞翼、薯角、洋蔥圈、薯絲蝦同德國腸，全部都蘸滿鹹蛋黃炸到好香脆，不過比較油膩，鹹蛋黃係好香，不過味道就偏鹹咗啲。荔枝薄荷梳打薄荷味好濃好fresh，淡淡嘅荔枝味加埋冰冰涼涼又有汽，非常解膩。