影片
更多
2024-03-05
71 浏览
《ULURU - 灣仔》淨係喺餐廳嘅門口都已經見到好多手繪嘅插畫😳一直聽聞呢一間Cafe好多打卡位而且嘢食好食，今次終於有大佬 @pu.pu.purinn 帶我去食啦😋餐廳嘅裝修望落好似好簡約，但係你睇得出係用咗好多心思去畫牆上嘅插畫，連枱枱凳凳都係夾好晒成個餐廳嘅氛圍去安置的，入到去你會忍唔住一幅一幅插畫咁去欣賞，處處都係打卡位🫶🏻每次同Pu仔媽咪食飯都係例牌叫到成枱都係嘢食😂今次都唔例外，聽講收工之後特別肚餓🤭兩個女仔叫咗兩個小食、一個沙律、兩個主食、兩個甜品仲有每人一杯飲品🥃最恐怖係我哋真係食得晒所有嘢😬名副其實捧住個肚離開😅💁🏻♀️蜜汁焗雞中翼雞翼一客六件，焗後剛剛好唔會太乾身，個皮微微焦香帶都蜜汁既味道👅啖啖肉幾好過癮架💁🏻♀️柚子鮮蝦沙律唔知幾時開始我好鍾意食沙律會落柚子，之前食泰國菜嘅時候一試難忘，然後每逢餐廳有柚子嘅沙律我都會想叫黎清清味蕾同去油膩感，成個沙律用咗好多不同嘅蔬菜製作而成，有青瓜、車厘茄、沙律菜、蝦肉、粟米同埋重點嘅柚子果肉，食落味道清新，好欣賞餐廳將醬汁分開上，咁就唔會浸住啲沙律菜搞到霉晒，就咁正食沙律菜你都會感覺到佢用咗新鮮嘅食材，唔使落醬汁原汁原味配
淨係喺餐廳嘅門口都已經見到好多手繪嘅插畫😳一直聽聞呢一間Cafe好多打卡位而且嘢食好食，今次終於有大佬 @pu.pu.purinn 帶我去食啦😋餐廳嘅裝修望落好似好簡約，但係你睇得出係用咗好多心思去畫牆上嘅插畫，連枱枱凳凳都係夾好晒成個餐廳嘅氛圍去安置的，入到去你會忍唔住一幅一幅插畫咁去欣賞，處處都係打卡位🫶🏻每次同Pu仔媽咪食飯都係例牌叫到成枱都係嘢食😂今次都唔例外，聽講收工之後特別肚餓🤭兩個女仔叫咗兩個小食、一個沙律、兩個主食、兩個甜品仲有每人一杯飲品🥃最恐怖係我哋真係食得晒所有嘢😬名副其實捧住個肚離開😅
💁🏻♀️蜜汁焗雞中翼
雞翼一客六件，焗後剛剛好唔會太乾身，個皮微微焦香帶都蜜汁既味道👅啖啖肉幾好過癮架💁🏻♀️柚子鮮蝦沙律
唔知幾時開始我好鍾意食沙律會落柚子，之前食泰國菜嘅時候一試難忘，然後每逢餐廳有柚子嘅沙律我都會想叫黎清清味蕾同去油膩感，成個沙律用咗好多不同嘅蔬菜製作而成，有青瓜、車厘茄、沙律菜、蝦肉、粟米同埋重點嘅柚子果肉，食落味道清新，好欣賞餐廳將醬汁分開上，咁就唔會浸住啲沙律菜搞到霉晒，就咁正食沙律菜你都會感覺到佢用咗新鮮嘅食材，唔使落醬汁原汁原味配返少少柚子肉就已經幾好食💁🏻♀️白洒忌廉牛油煮青口配芝士多士
Pu媽喜歡食青口，呢度嘅白汁忌廉牛油煮青口個醬汁偏向濃稠一啲，所以基本上會見青口都會被濃濃嘅白汁包裹住，帶有少少酒香，青口處理得幾好無沙，我個人覺得最好嘅食法係拎少少多士，喺上面放一粒滿佈白汁嘅青口然後一啖食咗佢，超級濃味，令人好滿足💁🏻♀️京式烤鴨薄餅
主菜我哋叫咗平時好少見嘅京式烤鴨薄餅，佢個味道就好似食片皮鴨咁用咗海鮮醬調味，Pizza脆卜卜然後上面滿佈芝士，仲有青椒同紅椒呢啲爽口嘅食材係Pizza入面，都係濃味控會喜歡嘅東西😳你唔好睇佢好似好大份，我哋係食得晒的🤣因為熱辣辣嘅時候真係幾好食㗎💁🏻♀️烤焗美國豬鞍扒
另外一份主菜我哋叫咗個肉，平時嘅我一定會叫牛扒，但係豬鞍扒有骨頭又真係幾吸引🤭如果你鍾意食豬骨，咁呢個扒就啱晒你啦☺️餐廳將個扒煮得剛剛好唔會完全熟晒搞到鞋颯颯，我哋切開嘅時候好明顯見到仲有滿滿嘅肉汁，啖啖肉好滋味😬我就最鍾意有筋嘅部份，帶少少油脂，食落甘香😋推薦👍🏻💁🏻♀️富士山櫻祭-丸久小山園抹茶Tiramisu
喺嚟呢間餐廳之前已經見過好多人拎呢個富士山打卡，如果你鍾意食抹茶，你一定會鍾意呢個Tiramisu，佢勝在唔會太甜，而且食得到抹茶嗰種甘香同回甘，試咗就會知道佢唔係用普通平平嘅抹茶粉製作，面頭嘅Mascarpone芝士都幾滑溜，而下面仲用咗焙茶手指餅做裝飾，兩者嘅味道配搭得唔錯，睇得又食得💁🏻♀️夢- 森之家
當中有點可以唔提呢一個菇仔呢？😏我指定一定要叫👍🏻佢個紅色菇仔部份係草莓乳酪cream mousse，香滑得來又食到草莓嘅味道，隱約會食到草莓果蓉，唔會太甜，外層係用左白朱古力包裹住，食落有多重口感好特別💪🏻草莓愛好者必食💁🏻♀️Rose Sangria
當晚我哋兩個都叫咗一杯Rose Sangria，大大杯飲成晚都未飲完🤭用咗玫瑰糖漿製作，最靚係佢面頭嗰朵玫瑰花同埋白色嘅泡沫😍啱晒鍾意酒精濃度唔高又可以打卡嘅女仔
张贴
