究極堂 (永光中心)

营业中

休息中

餐廳裝修環境精緻，有質感。約會食飯或者同朋友食飯都係一個唔錯嘅地方。今日中午就試吓佢嘅lunch Menu。究極丼望到Menu就見到呢款超級吸引，上面有多款嘅魚生，佢每一款魚生都厚切，刺身蝦都大大隻，食得好滿足。另外仲有三文魚、帶子、海膽、三文魚子等等。每款刺身都好新鮮，另外一讚嘅係海膽鮮甜，好好食。究極炎之丼呢一款丼飯就係用炙燒，所以每款魚生都有好香嘅炙燒味。刺身方面都係一樣新鮮同埋厚切，佢啲壽司飯同埋個壽司醋好平均，食到有壽司醋嘅香味，但又唔會搶過刺身嘅味道。焦糖芝士蛋糕呢個甜品個人10分推介，首先芝士蛋糕好軟滑，上邊再加埋脆卜卜嘅焦糖，加上又唔會太甜，值得一試！