Mamaday (已搬遷) 新店位置

今日經開尖沙咀加連威老道附近，就去咗 Mamaday OMG Mamaday 食飯。呢度無論環境食物及menu都甚具創意， 今次order咗"點解個個都叫軟殼蟹pizza㗎"及"唔好抱太大期望蒲燒鰻魚蛋包飯"。 Pizza上面隻軟殼蟹超大隻，切開入面超多蟹膏而且炸得外脆內軟，鎖住個蟹味我最鍾意食。Pizza備有特製嘅海鮮醬汁同埋其他海鮮配料，絕對值得推介。鰻魚蛋包飯賣相好靚而且鰻魚燒得啱啱好，既有魚嘅鮮味，魚皮亦都好香脆。蛋包飯混合咗蛋汁嘅味道，令到每一啖飯都提升咗個層次。下次同朋友聚餐我一定會再選擇尖沙咀Mamaday。