影片
更多
2022-01-15
67 浏览
而家禁堂食晚市, 得返週末中午可以約下朋友食飯. 喺openrice搵到這間餐廳, 喺樓下見到啲餐牌百零蚊又唔算太貴, 咁啱又想食牛扒就走咗上嚟. 凡高呢個名一諗起好有藝術風格, 企喺門口度已經感受到藝術氣質, 門口有部消毒霧化機長期開住. 入到嚟就見到兩大幅壁畫再加埋吊座, 成間餐廳裝修都好凡高. 啲枱凳又闊落, 真係一間好特別嘅餐廳. 講真啲午餐價錢又唔算太貴, 我叫咗個美國安格斯牛扒, 朋友叫咗個西班牙雞肉串. 由於兩個價錢唔同嘅餐我哋有兩款唔同嘅湯, 我就鍾意我嗰磨菇湯, 好有味道飲完一啖又一啖, 朋友個係俄羅斯菜湯, 似羅宋湯但係冇嗰陣酸辣嘅味道, 真係健康餐. 佢嘅雜菜沙律就冇乜特別, 反而我個牛扒餐嘅沙律包左水牛芝士配蕃茄, 好食好多. 只要安格斯牛扒就十分高水準, 食落口有陣炭燒嘅味道, 加上佢周邊嘅脂肪非常之油香, 而且份量唔少. 朋友嘅雞串又係得意之作, 雞肉外脆內軟再有少少西班牙辣椒粉辣辣地嘅口味. 再配上蘑菇青椒等食材, 而且雞肉又唔帶太多脂肪, 女士們都唔擔心食得多. 最後甜品就係焦糖燉蛋, 同埋加咗48蚊嘅心太軟, 兩個甜品都十分出色. 另有外賣及到會可提供
张贴
