影片
更多
2021-09-13
565 浏览
餐廳價錢大眾化媽咪今日要同樓下阿姨去行山，所以夜晚唔煮飯，咁我就梗係同Ivy食埋晚飯先返屋企啦 。所以我同佢就去咗銅鑼灣嘅金百利廣場食錫子圓啦。餐廳地方環境都乾淨舒服，職員同收銀嘅服務態度都幾好，啲嘢食又唔貴，價錢平民大眾化，即叫即整，雖然等嘅時間唔算快，可能因為又要焗，但係出嚟熱辣辣都好好食。我哋叫咗個$148嘅二人餐 ，連埋其他嘢飲跟餐加$5，總共$158，平均每個人大概$79。兩人套餐包括可以叫兩個餸菜，兩個小食，同埋兩杯嘢飲。香烤海鱸魚呢款海鱸魚等就等得耐啦 ，可能因為要烤焗，不過出到嚟嘅時候熱辣辣，仲要用錫紙包住，感覺好高檔，而且海鱸魚嘅外皮好脆口，香味四溢，平時好少食魚嘅我都忍唔住即刻用筷子夾嚟食，又冇魚腥味，而且香脆可口。秘製糖醋肉平時食咕嚕肉都食得多，以為呢個餐廳嘅秘製糖醋肉同咕嚕肉差唔多，但係原來好唔同。呢間餐廳嘅糖醋肉有啲似豬扒切件，切到一小塊一小塊咁。肉質就被咕嚕肉更加軟身。同樣都係酸甜酸甜，但係咕嚕肉係偏酸嘅，呢款糖醋肉就有啲鹹鹹地。用嚟送飯都幾開胃。涼拌青瓜涼拌青瓜本身就清脆可口，再加上青瓜裏面嘅水份本來就多，所以食落口就有一種清甜嘅感覺。不過呢間餐廳用咗辣味
媽咪今日要同樓下阿姨去行山，所以夜晚唔煮飯，咁我就梗係同Ivy食埋晚飯先返屋企啦 。所以我同佢就去咗銅鑼灣嘅金百利廣場食錫子圓啦。餐廳地方環境都乾淨舒服，職員同收銀嘅服務態度都幾好，啲嘢食又唔貴，價錢平民大眾化，即叫即整，雖然等嘅時間唔算快，可能因為又要焗，但係出嚟熱辣辣都好好食。我哋叫咗個$148嘅二人餐 ，連埋其他嘢飲跟餐加$5，總共$158，平均每個人大概$79。
兩人套餐包括可以叫兩個餸菜，兩個小食，同埋兩杯嘢飲。
香烤海鱸魚
呢款海鱸魚等就等得耐啦 ，可能因為要烤焗，不過出到嚟嘅時候熱辣辣，仲要用錫紙包住，感覺好高檔，而且海鱸魚嘅外皮好脆口，香味四溢，平時好少食魚嘅我都忍唔住即刻用筷子夾嚟食，又冇魚腥味，而且香脆可口。
秘製糖醋肉
平時食咕嚕肉都食得多，以為呢個餐廳嘅秘製糖醋肉同咕嚕肉差唔多，但係原來好唔同。呢間餐廳嘅糖醋肉有啲似豬扒切件，切到一小塊一小塊咁。肉質就被咕嚕肉更加軟身。同樣都係酸甜酸甜，但係咕嚕肉係偏酸嘅，呢款糖醋肉就有啲鹹鹹地。用嚟送飯都幾開胃。
涼拌青瓜
涼拌青瓜本身就清脆可口，再加上青瓜裏面嘅水份本來就多，所以食落口就有一種清甜嘅感覺。不過呢間餐廳用咗辣味黎整呢個涼拌青瓜，裏面加咗七味粉等等其他嘅配料，食落口辣辣地，清甜之中帶點辣咁，刺激又好味。
涼拌秋葵
平時涼拌秋葵喺其他餐廳食通常都係用醋或者用蒜頭，今次呢間餐廳又係用咗辣味黎整呢個涼拌秋葵。呢種辣喺其他餐廳比較少見，但係食落口又幾好味，刺激味蕾之餘仲刺激埋食慾。
羅漢果茶
呢杯羅漢果茶加$5，味道甜甜地，但唔會好甜。
桑椹蜜
呢杯跟餐一樣加$5，酸酸甜甜嘅味道。
张贴
