BnR (已結業)

近期係網上有人推介荃灣Bnr 啲雞好正，重要有我地最鍾意嘅藥膳和胡椒豬肚湯底，當然要去試下。餐廳環境空間感十足，用QR Code落單。胡椒豬肚雞米線一上枱已經嗅到陣陣嘅胡椒香味，湯頭夠濃又夠熱，我地咁岩當日落大雨，飲落更加暖胃。豬肚份量都幾多，飽肚感十足。藥膳雞米線，追加手工韮菜水餃，皮薄料多，兩碗米線嘅雞肉肉質都非常嫰滑，唔怪得咁多人推介，材料新鮮，健康得黎又好味。最後點左一杯無糖豆漿和小食炸墨魚卷。