品茶弄啡 (已結業)

台式飲品店而家越開越多，最近喺尖沙咀漢口道附近，又年青嘅香港人老闆開咗一間叫 「品茶弄啡」的茶飲店。自家品牌，原來唔止係得茶，仲賣埋咖啡，計我話，喺附近咁多公司，賣埋咖啡絕對係一個明智之選。啱晒附近嘅打工仔。咖啡就無試，反而今次試左小店其中一名物「黑枸杞洋甘菊水果茶」。本來好想試「黑糖珍珠鮮奶」，知道小店是現炒的黑糖的確好吸引，不過最近做緊運動，要戒糖分嘅飲品，所以忍痛試左另一個出名的茶飲。黑枸杞呢一種好健康嘅食材，喺出面嘅茶飲店比較少見。有清肝明目之效，擁有嘅營養價值比紅枸杞更加豐富。飲品呈現藍紫色，非常夢幻，而且加上了檸檬、蘋果、西柚、火龍果和蘆薈等等材料，比較驚喜嘅蘆薈，食落去好有咬口。飲落去酸酸甜甜，消暑由解渴，特別推介比一啲做緊運動，但係又口痕的朋友。