緣味小聚 (金百利廣場) (已結業)

天氣涼涼地，除咗打邊爐之外，食蒸海鮮都係一個好選擇。朋友之前話食過金百利有間蒸氣海鮮鍋唔錯，呢日我哋行完街就一齊上去開餐。首先嚟嘅係<六小時燉原盅絕無味精原盅燉湯>，個湯好清甜，味道濃郁，燉咗六個鐘果然唔同，啖啖都係精華所在。飲緊湯嘅同時，店員已經幫我地準備好今晚嘅海鮮拼盤。<星級海鮮八款>韓國大鮑魚蘇格蘭蟶子皇紐西蘭大貴妃蚌愛爾蘭大刀貝深海龍躉件生猛大海蝦青島大花蛤鮮甜沙白店員幫我地較好時間蒸埋海鮮，再上碟，每蒸一款海鮮，都會蔬菜伴碟，夠哂健康養生！海鮮樣樣新鮮，我最鐘意食貝殼類！鮑魚十分鮮甜有彈性，上碟前，店員仲幫我地清潔好所有內臟👍🏻蟶子大隻，啖啖肉，鮮味十足。貝殼類，冇沙，好新鮮。<手切星級牛小排>牛小排牛味香濃，油脂分佈平均，入口油脂甘香，肉質嫩滑！<豐盛八寶蒸飯>(24款蒸飯配料選8款)菠蘿蓮藕臘腸蒜香茄子榨菜梅頭肉蝦醬豬腩肉醬油漬牛脷豆醬豆腐卜有成24款配料可以揀！我地叫咗四款素食，四款肉食，蒸20分鐘就食得。蒸飯足料份量多，呢餐真係好飽。